Lehekülg:Vana kannel 1886.djvu/102

Allikas: Vikitekstid
Jump to navigation Jump to search
Selle lehekülje õigsus on tõendatud.

64

Es murru pirdu purde'ehna,
Ole kõrzi kõnnikihna.
20. Sai ma kurja kotta'alle,
Sai ma kale kallale,
Sai viledzä veerele,
Sai heridzä elole,
Sis panni palgi purde'esa,
25.Kõlle kõivo kõnnikisa,
Murdu palki purde'ehna,
Kõlle kõivo kõnnikihna.
   Kas ma sedä ezi murri?
Ega no sedä ezi es murra,
30.Sedä murri mureh suuri,
Painutelli paha mieli.


B.

   Oh mu hüvvä neio ello,
Oh mu kallist kazvo põlve,
Miä ol' kotoh kazvenani,
Ezä manna ellenäni!
5. Kohe tahi, sinnä tandz'e,
Kohe lätsi, sääl läbezi.
Ole-es keelo keelijät,
Kaalu-us kodo kaitsijat.
Üle karksi kate aia,
10.Üle käve kärbilize,
Üle pilli pistilize,
Üle rops'e rohilize.
Saa-as vika viznapuule,
Saa-as hätä häelmülle,
15.Putu-us puudeh maa pääle,
Põllule põlli sinine,
Arole hari verevi,
Morole musta' kõrige'.
Ega minno köüdze' köüdä,
20.Köüdze' köüdä, ohja' hoia.
Ohja' ma otsani arodi,
Katski lõigi keero' köüdze'.
   Saie muile neiokene,
Saie muile saanuvas,
25.Armas muile antuvas,
Lätsi kübärält küzümä,
Kaazalt lupa kaema,
Kaaz es kalest vasta kosti,
Küpär külmästä kõneli: