Lehekülg:Vana kannel 1886.djvu/236

Allikas: Vikitekstid
Jump to navigation Jump to search
Selle lehekülje õigsus on tõendatud.

198

Annele anni vakka,
60.Liizole linige vakka.
   Kiä kirstule minezi,
Kaldu vaka kaanele?
Neio kirstule minezi,
Kaldu vaka kaanele.
65.Kohe kuuldu kirstu kiidzumine,
Kohe vaka vaakumine?
Inne kuuldu Ilmuzihe,
Pääle kuuldu Päivüzihe.
Inne tulli kozja' Ilmuzist,
70.Pääle kozja' Päivüzist.
   Tulli kuu kozjovalle,
Ago viina andemalle:
Tere Ilma illos tütär,
Taiva alla tarka latsi!
75.Kas sust saaze kuu naist,
Kuu poja mõrzijat?
   Ei must saa kuu naist.
Kuu poja mõrzijat.
Kõrra kaos, tõize kazus,
80.Kolmanda kogoni ilma.
Õdagu täll tõzemine,
Hummogu täll minemine.
   Tulli päivä kozjovalle,
Ago viina andemalle:
85.Tere Ilma illos tütär,
Taiva alla tarka latsi!
Kas sust saaze päivä naist,
Päivä poja mõrzijat?
   Ei must saa päivä naist,
90.Päivä poja mõrzijat.
Päiväl väega paljo tüödä,
Ülipaljo ütlemizi.
Hummogu om nõzemine,
Õdagu om minemine.
95. Tulli tähti kozjovalle,
Ago viina andemalle:
Tere Ilma illos tütär,
Taiva alla tarka latsi!
Kas sust saaze tähe naist,
100.Tähe poja mõrzijat?
   Minost saaze tähe naine,
Tähe poja mõrzija.
   Tähti olli täüzi miesi,
Ago armas velekene.
105. Velekene‚ helläkene!